“Deyiblər ki, Mehriban həyasızdır...”

“Heç kim süddən çıxmış ağ qaşıq deyil. Heç kimi də səhvlərinə görə baltalamaq lazım deyil. Bir gün o balta sənə də tuşlana bilər. Hər zaman efirlərdə sözün düzünü demişəm, haqqın tərəfində olmuşam, bu da bəzilərində yanlış təsəvvür yaradıb. Deyiblər ki, Mehriban həyasızdı. İçimi tanımayan adamlar hardan bilsin necəyəm?”

Bunu Yenicag.az-a açıqlamasında əməkdar artist, aktrisa Mehriban Xanlarova deyib.

O, buna görə efirlərə çıxmaq istəmədiyini də bildirib:
“Özümə qadağa qoymuşam, efirlərə hələ ki, çıxmıram. Çünki əsəblərimə təsir edir. Karantinə görə evdə oturmaq bir yandan xeyrimə oldu.

Əsəblərim sakitləşib. Amma teatr üçün çox darıxmışam. Ürəyim partlayır teatr üçün. Gözəl bir serialla da efirlərə qayıtmaq istəyirəm.

Bircə bu virus bəlası başımızın üstündən çıxıb getsə, hər kəs normal işinin başına dönər”.