“Damla aparıcı Mətanəti tanımır, bəlkə şəklini görsə, tanıyar” - TƏNQİDƏ REAKSİYA

Aparıcı Mətanət Əliverdiyevanın müğənni Damlanın geyim tərzini tənqid etməsinə qarşı tərəfdən cavab gəlib.

OLAY mövzu ilə bağlı ifaçının özü ilə əlaqə saxlamağa çalışıb. Zəngimizə cavab verən sənətçinin prodüseri Şamil hazırda çəkiliş meydançasında olduqlarını və Mətanəti tanımadıqlarını bildirib:


“Azərbaycanda hamı stilistdir, bir bizdən başqa... Damla xanım fikir bildirməyəcək, desək heç adını da tanımayacaq. Çünki mən tanımıramsa, o da tanımayacaq. Adla tanımıram, görsəm, bəlkə də tanıyaram. Damla xanım kimə açıqlama verib ki, ona da versin? Qoy danışsınlar. Mətanət xanıma da salam deyin, hər kimdirsə”. 


Xatırladaq ki, Əliverdiyeva Damlanın düzgün geyindirilmədiyini və gülünc göründüyünü qeyd etmişdi.